پرەزيدەنت, قازاقستان قارۋلى كۇشتەرىنىڭ جوعارعى باس قولباسشىسى نۇرسۇلتان نازارباەۆ 1997 جىلى ءوز قولىمەن جاۋىنگەرلىك تۋدى تابىس ەتكەن اسكەري ۋچيليششە كەيىن ينستيتۋت جانە حالىقارالىق مارتەبەسىن الىپ, وسى جىلدار ارالىعىندا وز قابىرعاسىنان 3 مىڭ وفيتسەردى قاناتتاندىرىپ ۇشىردى. ولاردىڭ 252-ءى كىلەڭ «5-كە» بىتىرسە, 54-ءى «اسكەري وقۋ ورنىن ۇزدىك بىتىرگەنى ءۇشىن» بەلگىسىنە يە بولدى.
«ينستيتۋت– ەلىمىز بويىنشا ۇلتتىق ۇلاننىڭ وفيتسەرلەرىن دايىندايتىن جالعىز جوعارى وقۋ ورنى. ونىڭ بازاسىندا بولاشاق وفيتسەرلەر جەتى ماماندىق بويىنشا ازىرلەنەدى جانە سەگىز كافەدرادا ءبىلىم الادى. بىلىكتىلىكتى ارتتىرۋ فاكۋلتەتى جۇمىس ىستەيدى», دەيدى ەڭسەلى بىلىم وشاعىنىڭ باستىعى, گەنەرال-مايور جۇمابەك احمەتوۆ.
قازاقستاندىق سايىپقىراندارمەن قاتار قىرعىزستاننىڭ بەس, تاجىكستاننىڭ توعىز وكىلى جوعارعى وقۋ ورنىن بىتىرگەنى تۋرالى ديپلوم الدى. تۇلەكتەردىڭ التاۋى ۇزدىك بىتىرسە, باقداۋلەت تۇلەبەككە «اسكەري وقۋ ورنىن ۇزدىك بىتىرگەنى ءۇشىن» بەلگىسى تاپسىرىلدى جانە ەسىمى ينستيتۋتتىڭ قۇرمەت تاقتاسىنا جازىلاتىن بولادى.
ءومىر ەسقالي,
«ەگەمەن قازاقستان».
